نور الهدى 💛

مرحباا جميعا  من جديد وطبعا مثلا ما تعرفنه اول مره اني نور الهدى شاركت بالتحدي لتطوير التصوير مالتي  وحتى ابدع بي اكثر واكثر بعد  طبعا ومع  بدايه هذا التحدي وللان اني دا استغرق ساعه كل يوم للتصوير و لتصوير شغلات مختلفة من ناس و طبيعه و بنايات وشوارع .. الخ  حسيت من بديت التزم انو كل يوم ساعه اصور بيها حسيت اكو تحسن من ناحيه زوايا التصوير و الاضاءه و هواي شغلات و للمعلومه اني تصويري كله بكاميرا الجهاز مالتي   و ايضا بوجود بعض الفيديوات التعليميه على اليوتيوب الي ساعدتني كلش بالتصوير مالتي .. بس شنو مع بدايه امتحاناتي للفاينل و بحوث التخرج صار تراجع شوي بسبب ضيق الوقت فصار الجهد الي ابذله حتى اتعلم تصوير اقل بعد ماكو وقت عندي حتى اشوف فيديوات ع اليوتيوب وكذا بس مع هذا ماتوقفت صرت حتى من اروح لجامعتي اصورها واصور صديقتي خطيه ابتلت ههه و احيانا حتى اذا اني دا اقرا اصور القلم مالتي بزوايا مختلفه اصور الكتب اليمي هم و مستمرين شنو كدامي اصوره  ههه بس خلال هاي العشر ايام تعلمت سوالف عن التصوير كلش كلش حلوة  و حابه اجربهن وحده وحده ان شاء الله بالمكان المناسب لان ماالحك اجربهن كلهن لضيق الوقت

 مرحبا اني نور الهدى من العراق طالبه جامعيه مرحلة ثانيه حبيت اشارك بهذا التحدي من اجل تطوير هوايتي و هي التصوير راح اطور من هاي الهوايه ف خلال هذا الشهر راح باليوم اقل شي اصور شي  10 صور بجوده عاليه و زاويه تصوير حلوة  مع تصوير فيديو ايضا  اختاريت التصوير لان بي وجدت متعه و حب كبير للتصوير و بالاخص بوقت التصوير لمن اريد اصور شخص او مكان شعور المتعه و السعاده فول  والمستوى الي اني بي اعتبر نفسي متوسط  وان شاء الله اتقدم  و اكيد احنة مستمرين بالتقدم و بخلال هذا التحدي اني ما راح اكدر اوصل الى اعلى مستوى بس راح اوصل على كد الجهد الي راح ابذله خلال هذا التحدي للمستوى من متوسط الى جيد جدا ان شاء الله  راح ابدي  بالبدايه أشاهد فيديوات على اليوتيوب و اتعلم منهم الاساسيات و الاشياء المهمه بالاضافة الى متابعتي على برنامج الانستكرام لمصورين و ايضا بوجود صديقتي المصورة راح تساعدني حتى اكتسب منها و اتعلم هذه الهوايه و راح اطلع واصور تحت الشمس بوجود ضوء الشمس و بالليل هم و بالبيت و راح استعمل بعض البرامج حتى اعدلع الصور بطريقه جميلة