تحدي ٢٩ يوم _ اليوم العاشر

مرحباا جميعا  من جديد

وطبعا مثلا ما تعرفنه اول مره اني نور الهدى شاركت بالتحدي لتطوير التصوير مالتي  وحتى ابدع بي اكثر واكثر بعد 

طبعا ومع  بدايه هذا التحدي وللان اني دا استغرق ساعه كل يوم للتصوير و لتصوير شغلات مختلفة من ناس و طبيعه و بنايات وشوارع .. الخ 

حسيت من بديت التزم انو كل يوم ساعه اصور بيها حسيت اكو تحسن من ناحيه زوايا التصوير و الاضاءه و هواي شغلات و للمعلومه اني تصويري كله بكاميرا الجهاز مالتي 

 و ايضا بوجود بعض الفيديوات التعليميه على اليوتيوب الي ساعدتني كلش بالتصوير مالتي .. بس شنو مع بدايه امتحاناتي للفاينل و بحوث التخرج صار تراجع شوي بسبب ضيق الوقت فصار الجهد الي ابذله حتى اتعلم تصوير اقل بعد ماكو وقت عندي حتى اشوف فيديوات ع اليوتيوب وكذا بس مع هذا ماتوقفت صرت حتى من اروح لجامعتي اصورها واصور صديقتي خطيه ابتلت ههه و احيانا حتى اذا اني دا اقرا اصور القلم مالتي بزوايا مختلفه اصور الكتب اليمي هم و مستمرين شنو كدامي اصوره  ههه

بس خلال هاي العشر ايام تعلمت سوالف عن التصوير كلش كلش حلوة  و حابه اجربهن وحده وحده ان شاء الله بالمكان المناسب لان ماالحك اجربهن كلهن لضيق الوقت طبعا..

المهم بالنسبه للخطه مالتي حاليا اني مرتاحه عليها و مستفاده كلش فما اعتقد راح اغيرها راح ابقه واستمر عليها بس ممكن خلال الفتره القادمه لان مابقه شي واتخرج و تفرج ان شاء الله راح ازود الوقت الي ابذله في سبيل التعلم والتطوير 👍🏻💙

بالنسبه لوقتي اثناء التصوير هواي اشعر بالمتعه لان اني دا اسوي شي احبه و بنفس الوقت افرح من اخذ صور للناس و تنال اعجابهم و يثنون عليَ كلش كلش افرح  

و ان شاء الله اطور اكثر واكثر بعد  بتصويري ان شاء الله ❤️